Në Durrës është regjistruar viktima e parë i të ftohtit të acartë. Ai është një 35vjeçar i pastrehë që qëndronte më së shumti në lagjen 17 të qytetit.
Banorët e zonës e njihnin vetëm me emrin Beni. Ai është gjetur sot në mëngjes nga banorët i pajetë.
Njoftimi i policisë
Më datë 07.01.2017, rreth orës 07:30, në lagjen Nr.17, është gjetur i vdekur shtetasi A.S. 38 vjeç, banues në Durrës.
Nga këqyrja e kufomës nuk janë evidentuar shenja dhune.
Pasi është identifikuar ne listën e personave pa banesë, shtetasi i mësipërm është kërkuar gjatë mbrëmjes së djeshme nga Specialistët e Zonës dhe Shërbimet e Rendit për ta sistemuar në ambjentet e Policisë, por nuk është mundur të gjendet.
Nga hetimet e kryera rezulton se vdekja ka ardhur për shkaqe natyrale.
Materialet i kaluan Prokurorisë së Rrethit Gjyqësor Durrës për veprime të mëtejshme.
