Disa banorë në Kukës janë shndërruar në heronj, duke u shpëtuar jetën tre elektriçistëve në fshatin Borje. Mësohet se si pasojë e ndërprerjes së energjisë elektrike për shkak të motit të keq është dashur ndërhyrja në zonë nga ana e elektriçistëve për të rregulluar defektin.
3 elektricistët u nisën paraditen e sotme, rreth orës 11:00, drejt fshatit Borje, por si pasojë e dëborës dhe ngricave u bllokuan në rrugë.
Pasi kishte kaluar afro 1 orë e 30 minuta që elektriçistët ishin bllokuar, banorët e fshatit Borje duke vënë në rrezik jetën, janë nisur drejt tyre për t’i ardhur në ndihmë.
Sakaq OSHEE-ja njofton se 3 elektriçistët janë jashtë rrezikut për jetën dhe kanë marrë trajtimin e nevojshëm në spital.
