Tirana ka marrë kreun e Superiores, pasi fitoi 2-0 ndaj Laçit në takimin e luajtur në “Selman Stërmasi”.
Bardheblutë morën 3 pikët e vlefshme për të kryesuar kampionatin falë dy autogolave që lojtarët e Laçit realizuan në portën e tyre.
Në minutën e 53 të takimit, Roganovic ishte i pafat kur topi përfundoi në këmbët e tij dhe në mënyrë të pavullnetshme e dërgoi në rrjetë.
E njëjta situatë u përsërit edhe në të 75-tën, me Ignjatovicin që në tentativë për të larguar rrezikun, e shtyu drejt rrjetës.
Laçi, tashmë në vendin e parafundit, duhet të presë ende për fitoren e parë sezonale.
Tirana – Laçi 2-0 (“Selman Stërmasi” & Supersport 3)
Shënues: Roganovic 53′ (aut), Ignjatovic 75′ (aut)
