Një ngjarje e rëndë ka tronditur Tiranën mbastiden e sotme, ku një burrë ka goditur disa herë me thikë një grua, dhe më pas ëhstë hedhur nga kati i tetë dhe ka ndërruar jetë.
Paraprakisht dyshohet se të dy kanë qenë në një apartament në katin e tetë me qira ditore dhe pas një konflikti mes tyre, burri ka qëlluar gruan me thikë.
E plagosur gruaja ka zbritur të kërkojë ndihmë, ndërsa burri është vetëhedhur nga kati i 8-të dhe ka gjetur vdekjen.
Ndërkohë që gruaja ka ndërruar jetë pak minuta më vonë në spital pasi nuk ka mundur t’i mbijetojë plagëve të marra.
Burimet bëjnë me dije se burri është Kliton Pira 26-vjec.
Tiranë/Informacion paraprak
Rreth orës 18:00, në bulevardin “Gjergj Fishta” në një banesë me qira ditore, gjatë një konfliktit të çastit, shtetasi me iniciale K. P., 26 vjeç, dyshohet se ka goditur me thikë një shtetase të huaj me iniciale J. J, 31 vjeçe, dhe më pas është hedhur nga lartësia dhe për pasojë ka ndërruar jetë.
31-vjeçarja u dërgua menjeherë në spital, por si pasojë e plagëve të marra ka ndërruar jetë në spital.
Grupi hetimor po punon për sqarimin e rrethanave të ngjarjes.
