Protestuesit serb janë ende të grumbulluar në një nga pikat e Jarinjës. Aty pranë është vendosur një kordon i policisë së Kosovës pasi kanë vëzhguar që aty pranë është një kamion që nuk lëviz por qëndron në barrikadë, në skaj të rrugës.
Një përfaqësues i Policisë së Kosovës tentoi që të marrë një pergjigje nga ana e serbëve mirëpo këta të fundit raportohet se nuk i thanë asgjë. Më pas, përfaqësuesi i Policisë ka pasur edhe një komunikim me përfaqësues të KFOR-it dhe janë tërhequr përsëri në pozicionin fillestar, para se të nisnin largimin.
Një pjesëtarë i Policisë së Kosovës është dëgjuar teksa thotë se “Ne e kemi planin tonë”. Raportohet se numri i pjesëtarëve të KFOR-it është rritur në kufi.
Marrëveshja për targat e arritur në Bruksel ndërmjet Kosovës dhe Serbisë ka nisur së zbatuari sot.
Lexo edhe:
Kosovë/ Sot tërhiqet Njësia Speciale dhe barrikadat, në pikat kufitare vendoset KFOR-i
