Një ish-pjesëtari ushtrisë amerikane, i cili është ankuar se qeveria po kontrollonte mendjen e tij, nxori armën nga bagazhi i tij, pasi kishte kaluar zonën e kontrollit, kur mbërri në aeroportin e Fort Lauderdale, dhe më pas ka hapur zjarr duke vrarë pesë persona dhe plagosur tetë të tjerë, njoftuan autoritetet.
Vrasësi është identifikuar si 26-vjeçari Esteban Santiago nga Anchorage, Alaska, i cili shërbeu në Irak, por ishte shkarkuar vitin e kaluar për shkak të performancës së dobët.
Vëllai i tij tha se ai kishte marrë trajtim psikologjik së fundmi. Ai është arrestuar pasi ka lëshuar armën e tij të zbrazët poshtë dhe është shtrirë për tokë.
“Njerëzit filluan të bërtasin, disa duke u përpjekur të dalin nga çdo derë që kishin mundësi ose të fshihen nën karrige”, tha dëshmitari, Mark Lea për MSNBC. “Ai vetëm vazhdoi të ecë dhe të shtijë nëpër njerëz, pa ndonjë arsye për këtë, derisa iu zbraz arma.”
Santiago arriti në Fort Lauderdale, nga Anchorage në bordin e një fluturimi Delta natën e së enjtes, me ç’rast është kontrolluar vetëm një pjesë e bagazhit – arma e tij, tha Jesse Davis, shefi i policisë në aeroportin Anchorage.
Në Fort Lauderdale, “pasi mori çantën e tij, ai shkoi në banjo karikoi armën dhe filloi të qëlloj.
Ne nuk e dimë arsyen”, tha Chip Lamarca, komisioneri i qarkut Brovvard, cili u informua nga hetuesit.
Vëllai i Santiagos, Bryan, i tha AP se vëllai i tij kishte qenë duke marrë trajtim psikologjik në Alaskë. Ai tha se e dashura e Santiagos ka alarmuar familjen për situatën në lidhje me të në muajt e fundit. Bryan Santiago ka thënë se ai nuk e di se për çfarë është duke u trajtuar vëllai i tij dhe se ata kurrë nuk kanë biseduar për këtë.
Ai tha se Esteban Santiago ka lindur në Nevv Jersey dhe u zhvendos në Porto Riko, kur ai ishte dy vjeçar. Ai u dërgua në Irak në vitin 2010 dhe ka kaluar një vit atje, sipas zëdhënësit Gardës Kombëtare të Puerto Rico Major Paul Dahlen. Ai më vonë është bashkuar me Gardën Kombëtare Alaska.
Nëntorin e kaluar, një punëtor i kompanisë ajrore u qëllua dhe u vra pranë një parkingu të punonjësve në aeroportin e Oklahoma City, dhe në vitin 2015 një njeri me hanxhar u qëllua për vdekje pasi ai sulmoi oficerët e sigurisë federale në aeroportin e Nevv Orleans.
