Policia e Tiranës ka sekuestruar 44 kg kanabis dhe ka arrestuar një 28-vjeçar.
Sipas të dhënave zyrtare dje Specialistët e Seksionit Kundër Narkotikëve të Drejtorisë Vendore të Policisë Tiranë në bashkëpunim me Komisariatin e Policisë Vorë, kanë bërë arrestimin në flagrancë të shtetasit Refik Gjoka, 28 vjeç, banues në kryeqytet.
Arrestimi i këtij shtetasi u bë pasi gjatë një kontrolli në automjetin tip “Opel” iu gjet një sasi lënde e dyshuar narkotike e llojt Canabis Sattiva.
Po kështu gjatë kontrollit në banesën e këtij shtetasi, u gjet edhe një sasi tjetër lënde e dyshuar narkotike e llojit Canabis Sattiva e ndarë në 13 thasë dhe qese plasmasi. Gjithsej rreth 44 kilogramë Cannabis Sativa.
Në cilësinë e provës materiale, janë sekuestruar:
• Një automjeti tip “Opel”
• 44 kilogramë lëndë e dyshuar narkotike e llojit Canabis Sattiva.
Materialet procedurale i kaluan Prokurorisë pranë Gjykatës së Shkallës së Parë Tiranë për veprën penale të “Prodhimit dhe shitjes së lëndëve narkotike”.
