Moderatori Blendi Fevziu ka ngritur zërin teksa pyeste analistin Preç Zogaj pnëe Lulzim Basha duhej ta hidhte në votim pvendimin për përjashtimin ose jo të Sali Berishës nga PD.
Preç Zogaj po jepte përgjigjen e tij, por Fevziu i ka ndërhyrë me tone të larta duke i thënë se ka 15 minuta që nuk i jep përgjigje pyetjes dhe se bën sikur nuk e kupton.
Zogaj i është kundërpërgjigjur duke i thënë se Fevziu nuk e lë të flasë dhe se nuk është kjo pyetja që duhet të bëhet. Fevziu më pas iu kthye sërish me tone të larta duke i treguar se është ai që bën pyetjet dhe jo anasjelltas.
Pjesë nga biseda:
Blendi Fevziu: Preç të bëra pyetje tjetër, përse bën sikur nuk kupton për çfarë të pyes. Basha a duhet ta merrte vendimin vetë apo duhet ta hidhte në votim. Çfarë e pengonte Bashën të thoshte unë jam kryetar i partisë. Po qe se ju votoni që Berisha të qëndrojë largohem unë.
Preç Zogaj: Nuk është kjo pyetja.
Blendi Fevziu: Pyetjen e bëj unë, jo ti. Jepi përgjigje pyetjes time. O Preç ke 15 minuta. Që nuk më kthen përgjigje.
Preç; Po s’të le ti. Këtu është çështje shumë serioze. Këta duan ta zvogëlojnë.
Fevziu: Preç do t’i marrim një nga një.
Preç Zogaj: Lideri merr vendime. Nëse është zgjedh një anëtar një votë dhe nuk merr vendime, atëherë kot që rri lider.
