Një pronare e një pike bilardoje në Qytetin Studenti në Tiranë është dënuar me 600 mijë lekë gjobë pasi ka kundërshtuar policët tatimorë.
Më dt 11 gusht të vitit që lamë pas, tre punonjës tatimorë kanë shkuar në pikën e saj të bilardos për të bërë kontroll. Ata kanë nisur që të plotësojnë një gjobë për të, pasi sipas tyre ajo nuk lëshonte kupon tatimor për lojërat bilardo.
E pandehura, Hajrie Çala është nxehur me këtë veprim dhe i ka marrë njërit prej inspektorëve bllokun e gjobave dhe ia ka grisur aty për ty. Më pas ajo ka marrë edhe një stekë dhe ka dashur të godasë inspektorët. Por ka qenë i shoqi që e ka ndaluar, shkruan “Panorama”.
NGJARJA
Nga aktet e ndodhura ne fashikullin gjyqesor rezulton se ne dt.11.08.2016, shtetasi Besnik Dalliu, me detyre inspektor i verifikimit ne terren, prane Drejtorise Rajonale te Tatimeve se bashku me koleget e tij Amarildo Rica e Amarildo Bilali, kane shkuar per kontroll ne Qytetin Studenti dhe gjate kontrollit kane konstatuar nje subjekt qe ushtronte aktivitet bilardo. Pas kontrollit ata kane konstatuar se ky subjet leshonte kupon tatimor pa percaktuar artikullin ose sherbimin ne kupon.
Me konstatimin e kesaj shkeljeje ata kane filluar te perpilojne aktin e konstatimit e gjate perpilimit te ketij akti ata kane debatuar me pronaren e subjektit, e cila po i thoshte se po i binin ne qafe kot, si dhe kishin ardhur me tendence e pas ketyre fjaleve ajo i ka kapur bllokun dhe i ka grisur tre faqe te tij. Po keshtu, pasi ka grisur tre fletet e bllokut ajo ka kapur nje steke bilardoje dhe ka tentuar t’i godase me steke, por ka nderhyre bashkeshorti i saj e ne kete kohe punonjesit jane larguar pasi nuk mund te vazhdonin kontrollin.
E pyetur si person ndaj te cilit zhvillohen hetime shtetasja Hajrie Çala ka deklaruar se e pranon faktin qe kane bere debat pasi sipas saj kontrolli ishte tendencioz dhe ne momentin qe ajo ka dashur te shohe se cfare po plotesonin, punonjesi i tatimeve ka terhequr bllokun dhe jane grisur fletet. Pra duke menduar se kontrolli ishte tendencioz ajo u ka kerkuar qe ata te largoheshin dhe qellimi i saj kur ka kapur steken e bilardos ka qene per t’i trembur e jo per t’i goditur.
