Kreu demokrat Lulzim Basha ka shmangur sulmet apo akuzat ndaj ish-Kryeministrit Sali Berisha, i cili pasditen e sotme zhvillon “Foltoren” në qytetin e Durrësit.
Pyetjes, nëse PD po përçahet nga nisma e Berishës, Basha iu përgjigj shkurt duke thënë se armiku i vetëm është Edi Rama.
“PD është e përkushtuar për të bërë gjithçka për Shqipërinë dhe shqiptarët, armiku i vetëm është regjimi i instaluar dhunshëm në 25 Prill”, tha Basha pas takimit me ambasadoren Urzsula Gaçek.
Pas Tiranës, Fierit dhe Vlorës, Sali Berisha sonte në orën 18:00 do të takojë demokratët në Durrës. Ai është shprehur i vendosur për të vijuar takimet në bazë me qëllimin mbledhjen e firmave për të thirrur forumet e partisë për të rrëzuar vendimin e përjashtimit nga grupi, që sipas ish-kryeministrit është nul.
