Shtetasi Koçi Selamaj, i cili dyshohet se ka vrarë një mësuese në Angli, pritet të dalë sot përpara gjykatës.
Mësohet se shqiptari punonte si shpërndarës picash, dhe sipas mediave britanike, ai jetonte me të dashurën në atë zonë, por ka dyshime se ishte ndarë me të një muaj më parë.
Arrestimi erdhi pasi policia apeloi për informacion për një të dyshuar të fiksuar nga kamerat e sigurisë të një blloku apartamentesh aty pranë.
Vrasja e mësueses, Sabina Nessa, 28 vjeç ka shokuar jo vetëm të afërmit dhe komunitetin, por mbarë Anglinë.
