Këngëtarja Billie Eilish ndërpreu performancën e saj në skenë për të thirrur sigurimin, i cili nuk po i kushtonte vëmendje fansave që tentonin ta preknin atë.
“Pse nuk po i kushtoni vëmendje turmës?“- bërtiti Eilish në drejtim të ekipit të sigurimit, duke ndërprerë performancën gjatë kohës që po këndonte “Happier Than ever”. Billie drejtoi gishtin tek një zonjë në turmë, por është e paqartë arsyeja që e shqetësoi këngëtaren.
“E keni seriozisht? Bëni një punë, ju lutem!”,- vazhdoi më tej 19-vjeçarja.
Eilish vazhdoi të këndonte para se të ndalej për herë të dytë për të kontrolluar turmën.
“Jeni të gjithë mirë? A jeni mirë?”- pyeti ajo dhe turma iu përgjigj duke bërtitur me zë të lartë. Ky moment u filmua dhe u publikua në Twitter.
