Nesër nis viti i ri shkollor. Rreth 30 mijë nxënës edhe këtë vit do të jenë të detyruar të zhvillojnë mësim me turne, kjo për shkak të njëurdhëri të lëshuar nga Ministria e Shëndetësisë, e cila e justifikon me faktin se jemi në kohë pandemie dhe duhet të respektojmë masat anticovid.
Është viti i tretë radhëzi që fëmijët janë të detyruar të zhvillojnë mësim herë me turne dhe herë me online.
Nuk kanë qenë të pakta rastet kur urdhërat e ministrisë janë kundërshtuar.
Edhe këtë viti është bërë e njëjta gjë.
Për të kundërshtuar mësimin me turne në shkollat 9-vjeçare dhe ato të mesme si dhe atë online në rrjetet sociale është bërë thirrje për nënshkrimine një peticioni, që do t’i drejtohet Ministrisë së arsimit dhe asaj të shëndetësisë.
Deri në orët e mesnatës thirrjes në rrjetet sociale i janë bashkuar rreth 3170 persona.
Thuaj ‘Jo’ mësimit me turne në shkolla, është slogani që ka bashkuar qytetarët në rrjetet sociale.
Thuhet se fëmijët kanë nevojë për kthim në normalitet dhe se mësimi me turne dhe orrar të reduktuar nuk është i përshtatshëm.
Postimi
Thuaj “Jo” mesimit me turne ne shkolla
Femijet kane nevoje t’i kthehen normalitetit. Mesimi me turne dhe orar te shkurtuar nuk eshte i pershtatshem per edukimin e vazhdueshem. Ky proces nuk ka rezultuar efektiv dhe eshte vit i trete qe po aplikohet duke shkaktuar lodhje te femijet dhe mesuesit.
Nderkohe qe ne gjithe fushat e tjera , jeta vazhdon normalisht, perse duhet te aplikohen masa te shtuara vetem ne shkolla? Femijet kane risk minimal dhe mesuesit shumica jane imunizuar ose vaksinuar.
I bejme thirrje minstrise te rishikoje vendimin dhe t’i kthehemi normalitetit.
