Në orët e mbrëmjes të ditës së enjte policia ka arrestuar 3 shtetas banues në Burrel, në kuadër të zbatimit të planit për rritjen e rendit dhe sigurisë. Të arrestuarit janë Gerson Pasha, 22 vjeç, Gazmir Lala, 30 vjeç, dhe L.L., 17-vjeç,
Në njoftimin e policisë thuhet se në qytetin e Burrelit, efektivat e Komisariatit të Policisë Mat, në bashkpunim me FNSH Shkodër kanë ushtruar kontrolle në mjedise të ndryshme (lokale eurolloto e tjera) të qytetit të Burrelit për kapjen në flagrancë të personave që mbajnë dhe qarkullojnë me armë pa leje, personat që shpërndajnë e trafikojnë lëndë narkotike, për personat e shpallur në kerkim, etj.
Gjatë kontrolleve në një pikë bastesh, Gerson Pasha, 22 vjeç, është kapur në flagrancë me armë në brez, i cili u arrestua për veprën penale “Mbajte pa leje të armëve dhe municioneve luftarake”
Po gjatë kontrollit në të njëjtin lokal pike bastesh është kapur me thikë me vete Gazmir Lala, 30 vjeç , i cili u arrestua për veprën penale “Mbajte pa leje të armëve të ftohta”.
Gjithashtu është proceduar në gjendje të lirë L.L, 17 vjeç, pasi u kap gjatë kontrolleve me një dorezë boksi metalike që e mbante me vete.
Arma e zjarrit Pistoletë “TT”, thika dhe doreza e boksit metalike janë sekuestruar në cilësinë e provës materiale.
