Gjendja gripale që ka pushtuar vendin është pasuar së fundmi me një vendim të qeverisë sipas të cilit, njëri nga prindërit që punon në administratën publike, mund të marrë leje për t’u kujdesur për femijët të prekur nga viroza. Në një dalje në media, ministrja e Inovacionit dhe Administratës Publike Milena Harito, ka shpejguar procedurat që duhet të kryehen përpara se të merret leja.
Ashtu si edhe procedura e vetëdeklarimit të deputetëve në Parlement, edhe prindërit me fëmijë të prekur nga viroza do të duhet të sjellin një vetëdeklarim, ku i shpjegojnë punëdhënësit, se kush prej tyre do të qëndrojë në shtëpi, në rast se të dy prindërit punojnë në administratë shtetërore. Nëse gënjejnë për të dhënat, atëherë do të merren masa ndëshkimore.
“Është një gjë e mirë që të ndihmohen prindërit që kanë fëmijë të vegjël. Secili nga prindërit do të rrijë, kjo është një gjë që zgjidhet lehtësisht sepse me një vetëdeklarim, pra prindërit do të sjellin pranë punëdhënësit të tyre një certifikatë familjare dhe një vetëdeklarim ku thonë se cili nga prindërit do të rrijë të mbajë fëmijët. Nëse të dy prindërit e bëjnë këtë gjë dhe janë në administratë, ata bëjnë një falsifikim dhe marrin përgjegjësinë për falsifikimin që bëjnë”, theksoi ministrja Harito.
Vendimi i qeverisë për të përfituar ngq leja është i vlefshëm deri më datë 9 janar.
