Shkrimtari nuk e lëshon penën nga dora edhe mbrëmjen e ndërrimit të viteve.
Ky fundvit e ka gjetur shkrimtarin e njohur shqiptar në vatrën familjare, pranë Sadijes, gruas së tij dhe të bijës, Elona.
Kjo e fundit ka publikuar në Facebook foto nga atmosfera familjare e mbrëmjes së Vitit të Ri. Dritëroi pozon para kamerës, i ulur në tavolinë, i buzëqeshur krah së shoqes dhe të bijës, por një detaj që nuk mund të kalojë pa u vënë re, janë duart e lyera me bojë nga pena.
Pas kaq vitesh, shkrimtari vazhdon të ruajë një lidhje të fortë me penën dhe të shkruarin, duke mos i lënë kurrë pas dore, as në një moment intim familjar si ky.
