Nga qyteti i Fierit ku zhvillon takimin e dytë me anëtarët e PD, ish-Kryeministri Sali Berisha tha se Lulzim Bsha është pengu i Edi Ramës.
“Edi Rama i futi thikën pas shpinës Partisë Demokratike dhe çdo demokrati dhe demokrateje përmes pengut të tij, Lulzim Bashës”, tha Berisha.
Ish-Kryeministri e konsideroi një akt të pabesë nga Lulzim Basha atë të përjashtimit të tij nga Grupi Parlamentar i PD.
Berisha duke iu drejtuar anëtarëve të PD i tha se nuk duhet të pranojnë asnjëherë ndasinë në “njerëz të Bashës apo Berishës”.
“Më shumë se të gjithë ju, Lulzim Bashën e kam mbështetur unë. Ndaj ju keni mbështetur Kryetarin e PD, unë kam mbështetur Kryetarin e PD. Asnjëri nga ne, kurrë ndodnjëherë nuk i shkonte ndërmend, që kryetari i PD, i marrur peng, do të mundej që pa pyetur askënd, asnjë forum, do të merrte një vendim duke dorëzuar sovranitetin e PD”, tha Berisha.
