Djali i David Beckham, Romeo Beckham, debutoi të dielën në futbollin profesionist, duke luajtur për ekipin e kategorisë së tretë në SHBA, Fort Lauderdale, që është në pronësi të babait të tij.
19-vjeçari, i cili është edhe model, iu bashkua ekipit të dytë të Inter Miami në fillim të muajit dhe debutoi vetëm fundjavën e kaluar.
Sigurisht që lajmi i debutimit mori dhenë edhe për faktin se Romeo Beckham ka mbi 3,1 milionë ndjekës në Instagram, aty ku postoi dhe fotot e ndeshjes së tij të parë.
Ndërkohë, si model, Romeo Beckham ka debutuar që në moshën 10-vjeçare, për markën Burberry.
