Partia Demokratike përmes një deklarate ka reaguar lidhur me raportimet mediatike, sipas të cilave në mbledhjes e sotme të Kryesisë dhe Kryesisë së Grupit Parlamentar, kreu demokrat Lulzim Basha e ka cilësuar anëtarësinë e PD si anti-amerikane.
Në deklaratën zyrtare të PD thuhet se këto janë spekulime që qarkullojnë dhe se kreu demokrat nuk e ka etiketuar asnjëherë anëtarësinë e partisë si anti-amerikane.
“Kryetari i Partisë Demokratike në asnjë moment nuk e ka etiketuar anëtarësinë, që është shpirti i PD-së, si antiamerikane. Ky është një trillim i qëllimshëm nga ata që prej kohësh keqpërdorin gjithçka për interesa personale.
Z. Basha ka thënë se Shtetet e Bashkuara të Amerikës kanë qenë, janë dhe do të jenë aleati i Partisë Demokratike për një Shqipëri të zhvilluar dhe demokratike dhe askush nuk mund ta cënojë aleancën dhe partneritetin mes Partisë Demokratike dhe SHBA-ve”, thuhet në deklaratën zyrtare.
