Ngricat në rrugë kanë sjellë vështirësi në qarkullimin e automjeteve.
Mbrëmjen e djeshme, reshjet e dëborës ranë në qarqet Kukës dhe Shkodër me intensitet të madh si dhe u shënua ulja e ndjeshme e temperaturave.
Shtabi i Emergjencave udhëzon drejtuesit e mjeteve te përdorin zinxhirët në akset rrugore që Lidhin Fushë-Arrëzin me Iballën, Qafën e Malit dhe Qafë-Shllakun.
Probleme ka edhe në akset Qafe Mali-Fierzë, Bajram Curri-Valbone, Kukes-Qafe Shllak dhe Tunel i Kalimashit-Morine. Në disa zona trashësia e borës shkon nga 20 në 50 centimetra.
Vështirësi në kalueshmëri janë segmentet Qafe Mali – Dardhe, në zonën e Pukës dhe Qafe Thorë – Theth, në zonën e Malësisë se Madhe.
Probleme ka edhe në akset Tamarë-Vermosh dhe Bushtricë-Kala e Dodës. Prezencë dëbore ka edhe në “Rrugën e Kombit” ku borëpastrueset po punojnë prej mbrëmjes se kaluar.
