Analisti Andi Bejtja ka reaguar lidhur me përplasjet në Partinë Demokratike pas vendimit për përjashtimin e Sali Berishës nga Grupi Parlamentar i PD, me vendim të Lulzim Bashës.
“Tani një gjë nuk mund të rri pa e thënë; si po e menaxhon zyrtarisht PD “çështjen Berisha” kaq paburrërisht, kaq jolegalisht, me kaq thënie e kundrathënie të tipit “Amerika gaboi, po kryetari ka të drejtë”, etj etj, përveç të tjerash dhe qëndrime që të bëjnë të mbash barkun me dorë, ku po shohim nga minuti në minute jo vetëm njerëz pa dinjitet e pa karakter, por dhe komplet debila ngado ta rrotullosh…
Për zotin këtë herë e them hapur; shyqyr që nuk paskan ardhur ne pushtet!
Dhe sa më shpejt të mbyllet kjo histori aq më mirë për ta, se po vazhdoi gjatë, panairi i të pakarakterëve e debilave e injorantëve do mbushet plot dhe vetëm do na vijë për të vjellë e asgjë më shumë”, shprehet Bejtja.
