Fotografi turk Mehmet Genç, që në rrjete sociale ‘qarkullon’ me nofkën ‘Rotasiz Seyyah’, përkthyer shqip ‘nomadi pa një rrugë të përcaktuar’, prej katër vitesh ka shëtitur botën për të fotografuar komunitetet indigjene.
Projekti i tij më i fundit me titull “Je shumë e bukur”, vë përballë foto të grave përpara dhe pasi kanë marrë këtë kompliment. Mund të tingëllojë ‘e frikshme’, por në fakt rezultatet janë të mrekullueshme. Fotografi ka regjistruar të dhënat e të gjitha grave që ka fotografuar, pasi synon t’i fotografojë sërish në vitin 2023, për të parë nëse reagimi i tyre ndaj këtyre 4 fjalëve do të ndryshojë.
Puna mbreslënëse i ka siguruar 100 mijë ndjekës Genç në Instagram dhe sponsorizimin e komanive sportive apo të aparateve fotografike.
“Më pëlqen të vizitoj vende të ndryshme, komunitete indigjene apo të fotografoj njerëz. Por nëse shkon në këto vende, indigjenët nuk janë kurrë të qetë dhe nëse i kërkon të buzëqeshin përpara aparatit, nuk e bëjnë. Herën e parë që i thashë një gruaje në San Cristobal, Meksikë, që ishte shumë e bukur. Ajo buzëqeshi dhe efekti ishte kaq i bukur. Pastaj gjeta projektin tim.”
