Policia italiane në Teramo ka arrestuar dy shtetas shqiptarë, të cilët kishin fshehur 8 pako marijuanë prapa televizorit në dhomën e gjumit. Droga peshonte 8 kg.
Të arrestuarit janë S.A. e M A. të dy 43 vjeç, si dhe një shtetas italian 32 vjeç. Policia i ndoqi shqiptarët teksa hynë në banesë, më pas ndërhyri për arrestimin e tyre. Gjatë kontrolleve iu gjetën edhe dy armë fallco. Ndaj tyre u caktua masa e arrestit me burg. Një prej shqiptarëve ishte arrestuar edhe më parë për posedim të lëndëve narkotike.
