Dy persona janë arrestuar pasi akuzohen për disa vjedhje në Sarandë. Në pranga është vënë dhe një argjendar në Tiranë, pasi akuzohet se ka blerë nga hajdutët sendet e grabitura.
Në pranga janë vënë:
– Andon Qurku, 38 vjeç, banues në Sarandë, i dënuar më parë për veprën penale “Vjedhja” në shtetin Shqiptarë dhe atë Grek.
– Renato Vezelaj, 45 vjeç, banues në Tiranë, i dënuar më parë për veprën penale “Vjedhja”.
Burime zyrtare nga blutë njoftuan këtë të Shtunë se nga hetimet e kryera ka rezultuar se këta shtetas, në bashkëpunim me njëri-tjetrin, dyshohet se janë autorë të 3 vjedhjeve të ndodhura gjatë sezonit turistik, në qytetin e Sarandës, konkretisht:
- Më datë 08.06.2021, këta shtetas, kanë vjedhur një shumë parash dhe një orë dore, në banesën e shtetasit A. B.
- Më datë 13.06.2021,kanë vjedhur një shumë parash dhe disa bizhuteri në banesën e shtetasit B.
- Më datë 08.09.2021, kanë vjedhur një shumë parash dhe sende me vlerë si unaza, ora dore dhe varse në banesën e shtetasit B. A.
Këta shtetas dyshohen se pasi kryenin vjedhjet në bashkëpunim me njëri tjetrin, menjëherë largoheshin në drejtim të qytetit të Tiranës, ku një pjesë të sendeve të vjedhura i shisnin në argjendarin e shtetasit S.V, ndërsa pjesën tjetër i mbanin të fshehura në banesë.
Pronari i argjendarisë në Tiranë S.V., 42 vjeç, u procedua për veprën penale për veprën penale të “Përvetësimi i parave ose mallrave që rrjedhin nga vepra penale”.
Gjatë kontrollit të ushtruar në argjendarin e tij, u gjetën disa prej sendeve të vjedhura nga këta shtetas, ndërsa pjesa tjetër e sendeve të vjedhura u gjetën dhe u sekuestruan në banesën e Renato Vezelajt, po në kryeqytet.
