Babai i Britney Spears, Jamie, ka paraqitur një kërkesë të papritur në Gjykatë. Ai i lutet Gjykatës që të shqyrtojë edhe njëherë kërkesën e vajzës së tij për heqjen e kujdestarisë.
Me këtë lëvizje që i ka habitur të gjithë, Jamie Spears, i cili është ruajtësi i pasurisë së vajzës së tij, shprehet se është e drejta e Britney-t që kjo Gjykatë tani të verifikojë seriozisht nëse kjo kujdestari nuk vlen më.
“Rrethanat e Britney Spears kanë ndryshuar në atë masë sa që mund të mos jetë as nevoja për një kujdestari të tillë”, shkruan ai, i cili shton se nuk është as i nevojshëm një vlerësim i ri psikologjik pasi edhe vetë këngëtarja refuzon ta bëjë.
Britney dëshiron që të jetë në gjendje të martohet dhe të ketë sërish fëmijë. Ajo ka treguar se kujdestaria e saj ishte ‘abuzive’ dhe se nuk i lejohej as të shikonte fëmijët e saj apo të lindte të tjerë pa lejen e babait.
