Papërgjegjshmëri mund të quhet kjo që ndodh në Shqipëri! Një automjet në autostradën Tiranë-Durrës është filmuar teksa ecën mbrapsht, ndërsa kontrollon trafikun përmes pasqyrave.
Video është publikuar në faqen “Aksidente rrugore” në rrjetin social.
Rastet e tilla që rrezikojnë jetën e qytetarëve duke shkelur rregullat e qarkullimit rrugor janë mjaft të shpeshta në rrugët e vendit tonë.
Dhe ajo që bën përshtypje është fakti se Policia e Shtetit përmes njoftimeve zyrtare bën të ditur prezencën e shtuar të punonjësve të policisë rrugore me dragera, dron apo radarë, veçanërisht në aksin Tiranë-Durrës, ndërsa ndodh ky veprim nga një drejtues mjeti, që në shkelje flagrante të çdo rregulli, rrezikon edhe automjtetet e tjera.
