Vdekja e Marigona Osmanit vijon të hetohet, ndërkohë që detaje të reja dalin në dritë. Avokati i familjes së 18-vjeçares ka dhënë një intervistë për mediat, ndërsa ka treguar disa detaje. Gazmend Rexhepi tha se nën hetim janë dy persona, siç dhe është bërë me dije më herët, por ende nuk është vërtetuar nëse të dy ata kanë dorë në vrasjen e Marigonës
Sipas avokatit, prokuroria ka marrë të gjithë provat që mund ta ndihmojnë në hetim, ndërsa certifikata e vdekjes tregon se vdekja ka ardhur nga një dhunë e fortë, që mund të fusë në telashe shokun e bashkëshortit të 18-vjeçares.
Avokati më tej ka treguar se fqinjët kanë dëgjuar dhunën, por nuk kanë reaguar, duke bërë që heshtja e tyre të përfundojë në tragjedi. Po ashtu, bashkëshorti dy ditë para vdekjes nuk e ka lënë 18-vjeçaren të flasë me familjen dhe këta të fundit nuk kanë reaguar.
