Radha të gjata dhe pritje pa fund në Fushë Prezë të Tiranës: dhjetëra shoferë e kanë gdhirë mëngjesin e sotëm në pritje të kolaudimit të makinave nga kompania konçensionare SGS. Arsyeja e radhëve të gjata nuk është data e përcaktuar për t’i pritur ata, por sekserët që janë angazhuar si asnjëherë për të nxjerrë fitime duke futur pa radhë të tjera automjete.
Dëshmitarët nga vendi i ngjarjes dërguan pamje nga Fushë Preza, ku persona të caktuar me lidhje me konçensionarin SGS, hyjnë në marrëveshje me drejtuesit e makinave për t’i futur pa radhë, shkruan Syri.net.
Pamjet nuk kanë nevojë për shpjegime të gjata për të kuptuar sesa është “rënduar” ajri nga indinjata pranë kompanisë SGS.
