Asamblea e Partisë Socialiste miratoi sot me propozim të Kryeministrit Edi Rama drejtuesit politik të kësaj force politike sipas qarqeve.
Një nga lëvizjet e papritura ishte zhvendosja e Taulant Ballës nga Elbasani në Fier. Lidhur me këtë vendim ka ardhur reagimi i parë nga PD, përmes deputetes Flutura Açka.
“Që iku z. Balla nga Elbasani, nuk do të thotë se ikën edhe gjurmët e zullumeve, që tani janë plagë të tij. Do të vijë dita kur Elbasani t’i kthehet qytetarëve të tij… e të marrë hijen e tij të fisnikërisë së përjetshme”, shkruan Açka.
