Katër të rinj janë konflikuar me njëri tjetrin në Kamëz ku shkak i këtij sheri ishte një vajzë. Sipas policisë së Tiranës një nga të dyshuarit është arrestuar ndërsa dy të tjerë u shpallën në kërkim.
Shkëlzen Hajdaraj, 23 – vjeç nga Paskuqani, i dënuar me 7 vite burg për armëmbajtje pa leje, u vu në pranga nga Komisariati i Policisë Nr.5, pasi në bashkëpunim me Armando Nikën dhe Julian Sulejmanasin, kanë kërcënuar me armë, 18-vjeçarin me inicialet E. K., banues në Kamëz.
Shkak për konfliktin mësohet të jetë bërë pretendimi i Armando Nikës, se i dëmtuari kishte ngacmuar herë pas here të dashurën e këtij. Për këtë shkak të enjten, Julian Sulejmanasi, telefonoi të dëmtuarin me incialet E. K., duke e kërcënuar dhe i kërkuar takim.
Pasi janë takuar, Julian Sulejmanasi ka ardhur me mjetin tip “Volkswagen”, së bashku me shtetasit Armando Nika dhe Shkëlzen Hajdari dhe ka vazhduar kërcënimet e tij kundrejt të riut. Në debat e sipër, personat kanë nxjerrë një armë dhe kanë qëlluar në ajër, duke kërcënuar adoleshentin.
Pas kësaj, autorët janë larguar nga vendi i ngjarjes. Shkëlzen Hajdaraj njihet nga policia si person me precedentë penalë, i dënuar disa herë për armëmbajtje pa leje dhe vjedhje.
