Pasi u prangos për qëllime ekstradimi drejt Italisë, një prej emrave më të përfolur në botën e krimit, Kreshnik Faruku, qëndroi vetëm pak orë në qelitë e paraburgimit, pasi gjykata caktoi ndaj tij masën ‘arrest me shtëpi’.
Në seancën gjyqësore, prokurori kërkoi që për të të caktohej masa ‘arrest me burg’ me afat 40 ditor, deri në ekstradimin drejt Italisë, por gjykata e Tiranës vendosi që ta lërë atë me ‘arrest shtëpie’.
Sipas vendimit të gjykatës, Faruku urdhërohet që të mos largohet nga banesa e tij private në Manzë të Durrësit.
Kreshnik Faruku, që mban dhe emrat Kreshnik Budlla, Besnik Farruku e Sokol Koçi rezulton të jetë dënuar nga Gjykata e Ancona-s me 6 vjet e 8 muaj burgim për akuzën e trafikut të drogës.
Çështja ndaj tij është dërguar në Gjykatën e Apelit dhe pritet të në një seancë në 12 shtator. Ai u arrestua armë herët në Spanjë, pasi ishte nën hetim për një grabitje me dhunë.
Grupi ku bënte pjesë dyshohej për vrasjen e një biznesmeni spanjoll, por akuzat nuk u provuan.
Ai dyshohet të jetë pjesë e një aktiviteti kriminal të shitjes së kokainës, me bazë në Amsterdam.
Edhe sot familja e tij vijon një përplasje të përgjakshme me fisin Kërtalla në Durrës.
