Disa lojtarë të Kombëtares janë grumbulluar tashmë për tre ndeshjet e radhës për eliminatoret e Botërorit, mes tyre edhe Sokol Cikalleshi. Ky i fundit foli për Supersport dhe tregoi pretendimet përpara këtyre sfidave.
“Jemi në nisje të sezonit dhe kemi mbyllur fazën përgatitore. Jemi mirë dhe shumica e lojtarëve po luajnë. Kemi bërë mirë në ekipet tona dhe të tregojmë veten që me Poloninë.
Kam shënuar në tre ndeshjet e fundit dy gola. Uroj të vazhdoj kështu. Kam arritur nivel shumë të mirë, por duhet mbajtur me punë dhe përkushtim. Ndaj Polonisë dhe Hungarisë do tregojmë veten se ku do jemi në këto kualifikuese.
Lojtarët e sulmit janë në formë dhe shënojnë, por jo gjithçka varet nga sulmi. Duke parë ndeshjet e kaluara, duhet të luajmë në grup dhe të jemi sinkron me repartet e tjera.
Nuk ka duel mes meje dhe Lewas. Jemi 11 lojtarë dhe grupi është mbi individin dhe nëse jemi bashkë ndaj Polonisë besoj se do dalim të kënaqur nga ndeshja”, u shpreh Cikalleshi.
