Deputeti Ben Blushi ka publikuar në një status në “Facebook” vendimet e marra ditën e djeshme në partinë LIBRA. Ai thotë se ditën e djeshme u miratua Kodi i Etikës, në janar do të hartohet teza e programit dhe LIBRA në vijim do të nisë fushatën duke përcaktuar edhe kandidatët.
Blushi, në postimin e tij paralajmëron rezultat surprizë në zgjedhjet e vitit 2017.
POSTIMI PLANI I LIBRA PER 2017
Dje kishim mbledhjen e LIBRA¬s me koordinatorë nga gjithë Shqipëria të cilët i falenderoj pasi për meritën e tyre jemi sot afro 10.000 libra në gjithë vendin. Ajo që u vendos dje ishte:
1.U miratua Kodi i Etikës
2.Gjatë muajit Janar do të hartohen tezat e Programit Libra
3.Në Shkurt do mbahen zgjedhjet e brendshme të forumeve Libra.
4.Në Mars përcaktohen Kandidatët Libra per deputetë.
5.Në Prill të ketë të paktën një koordinator Libra për çdo qendër votimi.
6.Në Maj Libra është ne fushatë
7.Në Qershor rezultati i LIBRA¬S do të jetë surpriza më e madhe e zgjedhjeve!
