Grup i plotë dhe në formë të mirë fizike. Kombëtarja shqiptare e futbollit ndodhet në Varshavë prej pasdites së të dielës, nga ku kanë nisur përgatitjet për sfidën e 2 shtatorit, kundër Polonisë.
Prej kësaj të hëne, trajneri Edi Reja do të ketë në dispozicion të gjithë futbollistët, përfshirë edhe lojtarët që u angazhuan me klubet përkatëse në ndeshjet e fundjavës.
Emrat në sulm duket se do jenë një nga dilemat e mëdha të teknikut italian, me Manajn, Cikalleshin, Uzunin, por edhe Brojan që kanë performuar mjaft mirë gjatë javëve të fundit.
Pas Polonisë, Shqipëria rikthehet të luaj në shtëpi përballë Hungarisë më 5 shtator e më pas në datën 8 shtator do të ndeshet me San Marinon.
