Një skenë që shihet nëpër filma ka ndodhur në Brazil dy ditë më parë. Mediat vendase shkruajnë se në Sao Paolo është grabitur një bankë, ndërsa skena pas këtij krimi, ka tërhequr vëmëndje. Videoja tashmë e bërë virale kudo nëpër botë, tregon sesi 10 pengje janë lidhur në pjesën e sipërme të makinave.
Sipas mediave braziliane, këto pengje janë përdorur si mburoja njerëzore për të shmangur policët. Më tej, mësohet se banka është grabitur nga një bandë e rrezikshme, që nuk hezitoi të qëllonte ndaj policisë.
Policia dhe hetuesit kanë nisur punën për të zbardhur dinamikën e ngjarjes, ndërsa nuk është bërë me dije asnjë detaj, për të ruajtur privatësinë e hetimeve.
