Një 22-vjeçare britanike është gjetur e vdekur në shtëpinë e saj, ndërsa raportohet se bashkë me të është gjetur edhe një burrë, i cili po ashtu kishte ndërruar jetë. Deri më tani, autoritetet në Britani dyshojnë për një vrasje të mundshme, por nuk kanë përcaktuar një pistë të qartë. 22-vjeçarja Maddie, nuk kishte konflikte me askënd dhe kjo ngjarje i ka shokuar të gjithë.
“Ne jemi tepër të trishtuar për humbjen e vajzës sonë Maddie. Zemrat tona janë të thyera, nuk e imagjinojmë jetën pa të. Kjo humbje është shumë e madhe. Ajo ishte një person i bukur si brenda dhe jashtë. Maddie e kalonte kohën me familjen dhe miqtë”, tha një prej familjarëve të vajzës.
