Romeo Laze, 41-vjeçari i arrestuar në kuadër të operacionit anti-drogë “Çuka” nga policia e Sarandës, rezulton me precedentë penale.
Në vitin 2016, ai është dënuar për veprën penale “plagosje e lehtë me dashje” me tre muaj burgim nga Gjykata e Sarandës. Referuar vendimit të gjykatës, ai ka dhunuar ish-të dashurën.
“Vonesa e kthimit në banese e shtetases XXXXX (e cila punonte si kamariere) ka ndodhur edhe natën e datës 01.12.2015, kur kallëzuesja është kthyer rreth orës 04:00. Pikërisht për këtë shkak kallëzuesja ka rënë pre e veprimeve të dhunës së ushtruar nga ana e shtetasit Romeo Laze, për të cilat shtetasja XXXXXX i ka kallëzuar se;… më datën 01.12.2015 në orën 04:00, Tomeo Laze më erdhi ne banese,…duke u futur nga ballkoni ku mamaja ime i hapi derën,… pasi hyri brenda filloi të më godiste me grushta dhe me shqelma deri sa unë rashë në toke pa ndjenja. …pasi ndenji rreth një orë në banese duke më kërcënuar, ai u largua duke më thënë që ‘pse e lë punën kaq vonë dhe pse më le’, pasi donte që të ribashkoheshim përsëri”, thuhet në vendimin e gjykatës.
Sipas të dhënave në Qendrën Kombëtare të Biznesit, ai rezulton pronari i subjektit lavazh – “Lavazho Vip”, e regjistruar në 28/10/2009, me vendin e ushtrimit të aktivitetit në lagjen nr.4, Rruga “14 Shkurti”, në Sarandë. Në Shkurt 2021, biznesit i ka shtuar dhe fushën e veprimtarisë “tregti automjetesh”.
Lexo edhe:
VIDEO/ Zbulohet baza e kokainës në Sarandë, 1 i arrestuar dhe 1 në kërkim
