Reshjet e shiut me intensitet të lartë gjatë natës kanë sjellë përmbytje në disa lagje të qytetit të Lezhës.
Më problematike situata ishte në Lagjen “Besëlidhje”, ku si pasojë e bllokimit të kanalizimeve uji arriti deri në katet e para të pallateve.
Raportohet se edhe pse ka vetëm disa muaj që janë bërë punime në këtë lagje, funkionimi i kanaleve kulluese lënë për të dëshiruar kur ka reshje shiu.
Kjo situatë përsëritet sa herë ka reshje duke sjellë vështirësi për banorët e kësaj zone.
