Partizani B nuk do ekzistojë më. Demat kanë marrë vendimin që në vend të ekipit të dytë të kenë pjesëmarrje në Kategorinë Superiore U-21. Kështu, ekipi B nuk do jetë në Kategorinë e Dytë pas rrëzimit nga e Para, me ekipin U-21 që merr jetë.
Tanimë nën drejtimin e Dritan Mehmetit, talentet e Partizanit dhe lojtarët që nuk do kenë minuta në ekipin A, kanë mundësi të aktivizohen në Superligën e 21 vjeçarëve. Ky event mori udhë sezonin e shkuar, me Bylis që u shpall kampion pas një edicioni të gjatë.
Partizani U-21 do i shërbejë ekipit të parë me element të talentuar, teksa kanë të drejtë të aktivizojnë edhe lojtarë nga ekipi A.
