Gjykata e Posaçme e Apelit refuzon kërkesën për lirim nga qelia të Selim Çekajt, babait të Arbër Çekajt, i akuzuar për trafikun e 49 kg kokainë.
Në seancën e sotme, gjyqtari Dhimitër Lara nuk pranoi të zbusë masën e sigurisë “arrest me burg”, ndonëse edhe prokurori i SPAK kërkoi lehtësimin e saj.
Avokati mbrojtës Maks Haxhia hodhi akuza se gjyqtarët e çështjes po shkelin të gjitha procedurat duke mbajtur në burg 72-vjeçarin Selim Çekajn, ndërkohë që edhe vetë prokurori i çështjes kërkoi lirimin e tij, duke argumentuar se nuk ka prova që të jetë përfshirë në trafikun e drogës. Haxhia akuzoi se gjyqtarët e kanë personale çështjen me familjen Çekja dhe se nuk do të japin gjykim të paanshëm.
Selim Çekaj iu drejtua Gjykatës së Posaçme të Apelit pas refuzimit të Shkallës së Parë për të dhënë një masë më të butë arresti.
Selim Çekaj është babai i Arbën Çekaj, i cili është i dënuar me 14 vite burg pasi para 3 vitesh u sekuestruan 613 kokainë në magazinat e kompanisë së tij të bananeve ‘Arbri Garden’ në Maminas, po brenda një kontejneri. Në të njëjtën skemë u kap edhe Selim Çekaj në muajin Prill, ku në kontejnerin ku ai priste bananet e porositura me firmën e tij “EcoalMax” nga Ekuadori, policia zbuloi të fshehur 49 kg kokainë.
