Jurgen Çelhaka pritet të jetë gjatë ditës së premte në Poloni për të kaluar testet mjekësore dhe për të firmosur kontratën e re me skuadrën polake. Në fakt, java e fundit ka qenë vendimtare për lojtarin e bardhebluve.
Transferimi ka ardhur si rrufe, pasi Legia kërkonte me ngulm një mesfushor qendre. Ka qenë menaxheri Lek Kcira që ka mbyllur gjithçka gjatë pak ditëve.
Marrëveshja do të jetë 4-vjeçare, ndërsa lojtari do të marrë më shumë se 10 mijë euro në muaj, teksa shtohen edhe bonuset për tituj apo gola e aktivizime.
Lojtari është goditja e dytë e Legias te bardheblutë. Më parë ishte Ernest Muçi që kaloi nga Tirana te kampionët e Polonisë.
