Ditë vendimtare edhe për Marsel Ismajlgecin. Nga Hungaria ushtrojnë presion për lojtarin e krahut të majtë, që pëlqehet shumë nga skuadra ku luan Myrto Uzuni. Janë mediat hungareze që e bëjnë me dije një fakt të tillë. Menaxherët e klubit hungarez vazhdojnë të vlerësojnë mundësinë e një firme me lojtarin e Tiranës.
Skuadra kampione e Hungarisë, me shumë mundësi, është shumë pranë transferimit të lojtarit të Tiranës.
Nëse marrëveshja nuk mbyllet tani në gusht, mund të ndodhë që firma të shtyhet për në janar.
Nga ana tjetër, bardheblutë për këtë transferim janë të gatshëm, ndërsa bisedimet nisin nga 400-500 mijë euro. Me sa kuptohet, hungarezët pas paraqitjeve të Uzunit e konsiderojnë tregun shqiptar nga më të mirët për të thithur lojtarë me vlerë.
