Turma njerëzish vazhdojnë të dydnen në dyert e Aeroportit Ndërkombëtar të Kabulit, pavarësisht paralajmërimeve nga Shtetet e Bashkuara, Britania dhe Australia që të evakuohen menjëherë për shkak të kërcënimit të xhihadistëve të Shtetit Islamik (IS).
Më shumë se 82,000 njerëz janë evakuuuar me aeroplan nga Kabuli, i cili ra në duart e talibanëve 10 ditë më parë. Vendet po nxitojnë për të evakuuar njerëzit deri në 31 gusht.
Mijëra njerëz janë ende duke pritur brenda dhe jashtë aeroportit, duke shpresuar të fluturojnë jashtë vendit, njofton BBC.
Qeveritë britanike dhe australiane, duke folur për një kërcënim terrorist në Aeroportin Ndërkombëtar Hamid Karzai të Kabulit, u bënë thirrje qytetarëve të tyre që të largohen menjëherë, ashtu siç bëri edhe ambasada amerikane në Kamboxhi më herët, pa shpjeguar asryen.
Ministrja e Jashtme australiane Mary Payne tha se kishte një “kërcënim të vazhdueshëm dhe shumë serioz” të një “sulmi terrorist” në aeroport dhe u bëri thirrje qytetarëve australianë dhe atyre të cilëve u është dhënë viza australiane të largohen menjëherë, shkruan Ora NEWS.
Zyra e Jashtme, nga ana e saj, postoi në faqen e saj të internetit: “Mos shkoni në Aeroportin Ndërkombëtar të Kabulit për shkak të kërcënimit në rritje dhe të vazhdueshëm të një sulmi terrorist”, ndërsa mijëra afganë mbeten të mbledhur në portat e aeroportit me shpresën për t’u larguar nga vendi pasi talibanët morën pushtetin.
Sekretari i Jashtëm Britanik shtoi se “nëse jeni në zonën e aeroportit, largohuni, kërkoni një vend të sigurt dhe prisni udhëzime të reja”, duke shtuar: “Nëse mund të largoheni nga Afganistani me mjete të tjera, në mënyrë të sigurt, bëjeni atë menjëherë “.
