Kryeministri Edi Rama konfirmoi këtë të Mërkurë se javën e ardhshme do të shpallet Qeveria e re.
Gjatë fjalës së tij në një mbledhje qeverie, Rama la të kuptohet se do të ketë ndryshime në kabinetin qeveritar.
“Qeveria e re do të shpallet javën e ardhshme. Dhe ju natyrisht do të vijoni të gjithë punën deri në minutën e fundit të kalimit të detyrës pa lënë asnjë ditë të shkojë kot”, ju dretjua Rama-ministrave.
“Me shumë mirënjohje për të gjithë ju, për mbështetjen e pakursyer, bashkëpunimin e palodhur, kontributin e pakushtëzuar, që secila dhe secili prej jush dhanë në këtë qeveri, sipas natyrës dhe mundësisë së vet, ju falënderoj edhe njëherë për të gjithë këtë periudhë sfiduese kohe që kaluam së bashku në tryezën e Qenërisë së Republikës së Shqipërisë. Ishte një nder për të gjithë ne dhe uroj shumë që ta mbani si titull përgjithmonë para syve, pavarësisht nëse do të jeni apo jo të pranishëm në mbledhjen e parë të qeverisë së e re”, tha Rama.
