Gabimet e arbitrave në futboll janë njerëzore dhe pranohen sidomos kur janë të paqëllimshme. Në kampionatin danez vjen një episod, pamjet e të cilit kanë bërë xhiron e botës në rrjetet sociale dhe ka të bëjë me një gabim të arbitrit në kategorinë e dytë.
Në ndeshjen Vendsyssel-Fredericia, në pjesën e parë vendasit kishin kaluar menjëherë në avantazh por në të 28’, miqtë ishin pothuajse pranë golit që ia mohon arbitri.
Gjyqtari vërshëllen për të ndaluar aksionin për një faull për miqtë dhe nuk lejoi avantazhin ku në fakt lojtari i Fredericia ishte pranë golit.
Ai kuptoi gabimin e madh duke u gjunjëzuar në fushë ndërsa asnjë kontestim në fakt nuk pati ndaj tij por ngushëllim për gabimin e bërë pasi edhe lojtarët e kuptuan se ajo që bëri ishte e paqëllimshme.
