Një person është plagosur me thikë në Tiranë ditën e djeshme.
Policia njoftoi këtë të Martë se autori u vu në pranga.
“Nga specialistët për Hetimin e Krimit në Komisariatin e Policisë Nr.3 u bë arrestimi në flagrancë i shtetasit A.V., 38 vjeç, sepse më datë 23.08.2021, në rrugën ‘Jordan Misja’, për motive të dobëta, ka goditur me mjet prerës (thikë) shtetasin E.S., 32 vjeç”, njoftoi policia.
Ky i fundit, referuar të njëjtave burime, ndodhet në spital, jashtë rrezikut për jetën.
