“Shqiptaria nuk mund të jetë kurrë shëmbëlltyrë e urrejtjes”. Kështu shprehet kryeministri Edi Rama në një tjetër koment për incidentin që u shënua në koncertin e Goran Bregoviç.
Kreu i qeverisë duke komentuar reagimin e tij të mëparshëm u shpreh se nuk e ka barazuar Dua Lipën me Bregoviçin dhe shtoi se histeria fashiste nuk e nderon shqiptarinë.
“Ashtu siç bënë Bregoviçin kriminel serb pa asnjë fakt, tani sokëllijnë që unë paskam barazuar Dua Lipën me të! Dhe histeria vazhdon por jo, unë nuk kam barazuar hiç fare Dua Lipën me Goran Bregoviçin, po kam thënë me një shembull të vërtetën e hidhur se të barabartë, njësoj krejt janë ata që shajnë e mallkojnë, në serbisht a në shqip, artistët e sportistët me emër të palës tjetër! Histeri fashiste që as nuk e mbron, as e nderon, po vetëm e turpëron shqiptarinë, e cila s’mund të jetë kurrë shëmbëlltyrë e urrejtjes”, shkruan Rama.
