Problemet shëndetësore të Papa Franceskut mund të çojnë në dorëheqjen e tij dhe përfundimin e drejtimit të Vatikanit, nisur me 13 mars 2013, po me një dorëheqje – atë të Papa Benedikti i XVI.
E përditshmja italiane “Libero” ka dhënë lajmin se Papa Francesku po përgatitet të japë dorëheqjen brenda dhjetorit të 2021.
Media italiane zbardh zëra jo të konfermuar se Ati i Shenjtë është në përgatitje të një konklave speciale për të zgjedhur zëvendësuesin e tij.
Dorëheqja e Papës lidhet me problemet shëndetësore e operacionin kirurgjik të pak javëve më parë.
“Në 17 dhjetor të këtij viti Ati i Shenjtë mbush 85 vjec, në të njëjtën moshë kur Papa Ratzinger dha dorëheqjen”, shkruan Libero duke kujtuar se në të njëjtën moshë dha dorëheqjen dhe Papa i Nderit Ratzinger, duke u tërhequr ne një jetë private e studimore.
“Në Vatikan gjithnjë e më shpesh flitet për një konlave të re e Papa Francesco ka shprehur dëshirën e tij për të hequr dorë”, shkruan e përditshmja “Libero”.
Media italiane nënvizon se dorëheqja nuk lidhet me moshën e thyer se sa me problemet shëndetësore që Papa Francesku po kalon së fundmi.
“Operacioni i kryer më 4 korrik në spitalin Gemelli të Romës, ndryshe sa është deklaruar publikisht se ka qënë i pa programuar, askush në Vatikan nuk kishte informacion. Ky lajm që ka gjetur të papritur besimtarët italianë e përgjithësisht të gjithë opinionin publik, ushqehet nga portali “Il Sismogrago”, mjaft pranë Vatikanit e Papa Bergoglios.
“Gjëndja shëndetësore e Papa Franceskut, u shfaq serioze e degjeneruese, shkruan “Il Sismografo”, e komunikatat mbi gjëndjen e tij shëndetësore nuk janë firmosur asnjëherë nga mjekët që e kuruan por vetëm nga Zyra e Shtypit të Vatikanit.
Drejtori i “Il Sismografo”, Luis Badilla informon se Papa Francesku po përgatit një ligj që rregullon dorëheqjen e Papëve me një limit moshe 85 vjeç.
“Papa Francesku është sëmurë por nuk do të lë papatin e tij për shëndetin”, thotë Badilla.
Mediat italiane zbardhin se Papa Francesku ka kufizuar shumë aktivitetin e tij. Në axhendën e punës është programuar udhëtimi i radhës në Budapest e më pas në Sllovaki, që fizikisht janë mjaft impenjuese e që ndoshta do të kërkojnë reduktimin e programit të parashikuar.
Pas këtij lajmi “bombë”, deri më tani, nuk ka asnjë konfirmim ose përgënjeshtrim nga Zyra e Shtypit e Vatikanit.
