Një zjarr ka rënë në një parking në Durrës ku janë djegur pjesërisht dy makina. Burime nga policia lokale kanë bërë të ditur se ngjarja ka ndodhur në orët e para të mëngjesit të sotëm.
“Rreth orës 03:15, në lagjen numër 12, Durrës, ka rënë zjarr, tek dy automjete të parkuara në rrugë, përkatësisht në mjetin tip Audi me targa gjermane SOFT 111 dhe mjeti tip Benz me targa AA 884 MI në pronësi të shtetasit B. Xh”, bëjnë të ditur burime zyrtare.
Sipas policisë, mjetet janë djegur pjesërisht në pjesën e parakolpit. Grupi hetimor ka shkuar në vendin e ngjarjes dhe ka nisur hetimet për përcaktimin e shkaqeve të rënies së zjarrit dhe zbardhjen e plotë të ngjarjes.
