Greqia ka nisur numërimin mbrapsht. Nesër në mesditë do të njoftojë masat e reja të cilat do të jenë edhe harta që do të udhëheqin rrugën pandemike në dimër në Greqi me qëllim për të ndaluar valën e katërt.
Masat e reja do të kenë të bëjnë me të pavaksinuarit, por edhe vendet ku shihen tubime private dhe publike. Zëdhënësi i Qeverisë Giannis Oikonomou deklaroi sot se shoqëria nuk mund të presë dhe të mbetet peng i të pavaksinuarve.
Një mundësi do të jetë edhe rikthimi i maskave. Ministri për Shtetin, George Gerapetritis tha se është detyrimi i tyre të sigurojnë kthimin sa më shpejt në normalitet.
“Maskat nuk dolën kurrë nga jeta jonë. Ato janë faktori më i rëndësishëm për ndalimin e pandemisë. Maska ishte dhe do të mbetet në jetën tonë për aq kohë sa të jetë e nevojshme. Ajo na mbron, por gjithashtu mbron ata që na rrethojnë nga përhapja e virusit.”, u shpreh ai.
